४ दर्जन प्रवासी नेपाली विज्ञको अपिल, ‘भोट साझा पार्टीलाई गर्नुस्’

- Advertisement -
Loading...

काठमाडौं। नजिकिँदै गरेको आसन्न उप निर्वाचनमा साझा पार्टीलाई मतदान गर्न ४ दर्जनभन्दा बढी वैज्ञानिक तथा विज्ञहरुको समूहले सबै नेपाली मतदातालाई अपिल गरेको छ।

- Advertisement -

शुक्रबार विज्ञप्ति जारी गर्दै विदेशमा रहेका ४ दर्जनभन्दा बढी वैज्ञानिक तथा विज्ञहरुको समूहले उप निर्वाचनमा साझा पार्टीलाई मतदान गर्न अपिल गरेका हुन्।

‘नेपालमा वहुदलीय व्यवस्थाको तीस वर्ष व्यतित भई कयौं राजनीतिक परिवर्तन भईसक्दा पनि आर्थिक विकास र समृद्ध नेपालको सपना अधुरो नै रहँदै आएको छ। गत २०–३० वर्षमा हाम्रै अगाडि हामीभन्दा पछाडि रहेका कैयौं राष्ट्रहरु लोभलाग्दो किसिमले चमत्कारिक रुपमै विकसित भए। ती देशहरुको विकासको आधार शिक्षा, सक्षम र इमान्दार नेतृत्व र प्रविधिको विकास रहेको हामीले विदेशमा बसेर अनुभूति गर्यौं।’ जारी विज्ञप्तिमा उल्लेख गरिएको छ।

हालसम्म देशले सही बाटो लिन नसक्नुमा जनताले जिताएर पठाएका पार्टी र नेतृत्वले विकसित देशहरुबाट नसिक्नु, देशको माटो सुहाउँदो मौलिक शिक्षा, अनुसन्धान र प्रविधिको विकास गर्न नसक्नु, तथ्यगत आधारमा रहेर योजना बनाउन नसक्नु, विश्वविद्यालयलाई राजनीतिको थलो बनाउनु तथा सही ठाउँमा सहि व्यक्ति चयन गर्न नसक्नु रहेको उक्त समूहको ठहर छ।

“कास्की, भक्तपुर, दाङ र धरानमा सु–संस्कृत राजनीतिको माध्यमबाट समृद्ध नेपालको परिकल्पना गरेको साझा पार्टीले आफ्ना उम्मेदवारहरु उठाएको छ। राजनैतिक पार्टीका नेतृत्वहरुलाई नजिकबाट नियाल्दा साझा पार्टीको नेतृत्व समूहले आफूलाई आफ्नो पेशा र व्यवसायमा इमान्दार र अब्बल प्रमाणित गरेर अब राजनीतिको मुहान नै सफा गर्नुपर्ने देखेर सु–संस्कृत राजनीतिमा होमिएको हामी सबैलाई थाहा नै छ।” उक्त टोलीद्वारा जारी विज्ञप्तिमा भनिएको छ।

योग्यता, क्षमता र सीपलाई आधार मानेर सही जिम्मेवारी तोक्नुपर्नेमा देशका हरेक निकायमा राजनीतिक कार्यकर्ता भर्ना गर्ने परिपाटीले जनतामा निराशा छाएको औंलाउँदै बिहीबार डा. भेषराज शर्मा, बिष्णु जोशी, डा.गणेश घिमिरे, डा. ज्ञानेन्द्र भट्टराई, डा.जय प्रकाश चालिसे, डा.मेदनी संग्रौला, डा.मिलन बिमली, डा. नमूना पाण्डे, डा.राकेश देशार, सम्झना कुँवर, डा. श्याम चौराशिया, डा.सुदर्शन अर्याल, डा.सुरेश शर्मा, डा. सुशील राज पौडेल, डा.राजेन्द्र पंगेनी, डा.दिवाकर सिग्देल, डा.राज श्रेष्ठ, डा.कमल पाण्डे, अर्जुन सुवेदी, डा यादव पौडेल, पुर्णिमा ज्ञवाली लगायतका समूहले उक्त अपिल गरेको हो।

नेपालमा आगामी १४ मंसिरमा तीनै तहका विभिन्न कारणले रिक्त कुल ५० स्थानमा एकै दिन निर्वाचन हुँदै छ। प्रतिनिधिसभा सदस्य–१, प्रदेशसभा सदस्य–३, नगरपालिका प्रमुख– १, गाउँपालिका अध्यक्ष–३, गाउँपालिका उपाध्यक्ष–१ र वडाध्यक्ष–४१ पदहरु रिक्त छन्।

प्रेस विज्ञप्ति

विदेशबाट नेपाली बिज्ञहरुको मतदातालाई अपिल

नेपालमा बहुदलीय ब्यवस्थाको तीस बर्ष ब्यतित भई कैयौँ राजनीतिक परिवर्तन भईसक्दा पनि आर्थिक बिकास र समृद्ध नेपालको सपना अधुरो नै रहदै आएको छ। गत २०-३० बर्षमा हाम्रै अगाडि हामी भन्दा पछाडि रहेका कैयौं राष्ट्रहरु लोभ लाग्दो किसिमले चमत्कारिक रुपमै बिकसित भए। उक्त देशहरुको बिकासको आधार शिक्षा, सक्षम र इमान्दार नेतृत्व र प्रबिधिको विकास रहेको हामीले बिदेशमा बसेर अनुभूति गर्यौं।

आजसम्म देशले सहि बाटो लिन नसक्नुमा हामीले जिताएर पठाएका पार्टी र नेतृत्वले बिकसित देशहरुबाट पटक्कै सिक्न नसक्नु, देशको माटो सुहाउँदो मौलिक शिक्षा, अनुसन्धान र प्रविधिको विकास गर्न नसक्नु, तथ्यगत आधारमा रहेर योजना बनाउन नसक्नु, विश्वबिद्धालयलाई राजनीतिको थलो बनाउनु, सहि ठाउँमा सहि व्यक्ति चयन गर्न नसक्नु नै हो।

यसको साथै आफ्नो योग्यता, क्षमता सिपलाई आधार मानेर सही जिम्मेवारी तोक्नुपर्नेमा देशका हरेक निकायमा राजनीतिक कार्यकर्ता भर्ना गर्ने परिपाटीले जनतामा निराशा छाएको हामीले देखेकै छौं, भोगेकै छौं।

यसै बिच मंसिर १४ मा उप निर्वाचन हुँदैछ। हामीले पुराना पार्टीहरुलाई बर्षौंदेखि मौका दिइरहेका छौं। अहिलेको उपनिर्वाचनको नतिजाले न त सरकार परिवर्तन नै हुन्छ, न त अहिलेको प्रतिपक्षका केहि उम्मेदवार बिजयी हुदैमा कुनै तात्विक फरक पर्छ।

कास्की, भक्तपुर, दाङ र धरानमा सु-संस्कृत राजनीतिको माध्यमबाट समृद्ध नेपालको परिकल्पना गरेको साझा पार्टीले आफ्ना उम्मेदवारहरु उठाएको छ। राजनैतिक पार्टीका नेतृत्वहरुलाई नजिकबाट नियाल्दा साझा पार्टीको नेतृत्व समूहले आफूलाई आफ्नो पेशा र व्यवसायमा इमान्दार र अब्बल प्रमाणित गरेर अब राजनीतिको मुहान नै सफा गर्नु पर्ने देखेर सु-संस्कृत राजनीतिमा होमिएको हामीलाई सबैलाइ थाहा नै छ।

त्यसैले हामी प्रवासमा रहेका बिभिन्न क्षेत्रका ज्ञान, अनुभव र सीप हासिल गरेका हामी जस्ता हजारौं, लाखौं नेपालीहरुलाई यथासक्य छिटो देश फर्केर आफ्नो क्षेत्रमा काम गर्ने वातावरणको सिर्जना गर्न, पुराना दलहरुबाट दिनानुदिन अझ विकृत हुदै गैरहेको राजनीतिमा आशाको संचार जगाउन र र पुराना दलहरुलाई सुध्रिन दवाव दिनका लागि पनि यसपटक कास्की, भक्तपुर, दाङ र धरानमा साझा पार्टीका उम्मेदवारहरुलाई तराजु चिन्हमा आफ्नो अमूल्य मत दिनुहुन यहाँहरु सबैलाई बिनम्र अनुरोध तथा हार्दिक अपील गर्दछौं।

धन्यवाद, डा.भेषराज शर्मा, बिष्णु जोशी, डा.गणेश घिमिरे, डा. ज्ञानेन्द्र भट्टराई, डा.जय प्रकाश चालिसे, डा.मेदनी संग्रौला, डा.मिलन बिमली, डा. नमूना पाण्डे, डा.राकेश देशार, सम्झना कुँवर, डा. श्याम चौरशिया, डा.सुदर्शन अर्याल, डा. सुरेश शर्मा, डा. सुशील राज पौडेल, डा. राजेन्द्र पंगेनी, डा.दिवाकर सिग्देल, डा राज श्रेष्ठ, डा कमल पाण्डे, अर्जुन सुबेदी, डा यादव पौडेल, पुर्णिमा ज्ञवाली लगायत हामी ४ दर्जन बैज्ञानिक तथा विज्ञहरु हरुको तर्फबाट

मिति: ६ मंसिर २०७६

यो समाचारमा तपाईंको प्रतिक्रिया लेख्नुहोस्।

पढ्नै पर्ने

विमान खस्दा १८ जनाको ज्यान गयो

काठमाडौं।अफ्रिकी मुलुक कंगोमा विमान दुर्घटना हुँदा १८ जनाको ज्यान गएको छ। कंगोको अन्तर्राष्ट्रिय विमानस्थलबाट उडेको द डोरनियर २२८ बिमान उडान...

प्रधानमन्त्री ओलीको मृर्गौला प्रत्यारोपण फागुनमा

काठमाडौं।प्रधानमन्त्री केपी शर्मा ओलीको मिर्गौला प्रत्यारोपणको प्रक्रिया फागुनमा शुरु गर्ने तयारी थालिएको छ। प्रत्यारोपण गराउने अस्पतालको चयन भने भइसकेको छैन।...

जापानी भाषा परीक्षाको नजिताः २ चरणमा ५६ मात्रै पास

काठमाडौं।वैदेशिक रोजगारीका लागि आर्कषक श्रम गन्तव्य मुलुक जापानमा नर्सिङ केयरमा नेपाली कामदार पठाउन लिइएको जापानी भाषा परीक्षाको नतिजा सार्वजनिक...
हाम्रो युट्यूब च्यानल सब्सक्राईब गर्नुहोस्
Loading...

भर्खरै प्रकाशित

काङ्ग्रेस सुर्खेतको बैठक तत्काल बोलाउन माग

सुर्खेत। नेपाली काङ्ग्रेस जिल्ला कार्य समिति सुर्खेतका सदस्य रामबहादुर सिंहले जिल्ला कार्य समितिको बैठक तत्काल बोलाउन माग गरेका छन्।...

राष्ट्रिय स्वाभिमानको बर्खिलापमा रहेको एमसीसी सम्झौता खारेज गर्न साझा पार्टीको माग

काठमाण्डौं। साझा पार्टीले एमसीसी सम्झौता खारेज गर्न माग गरेको छ। पार्टीका प्रवक्ता डा. सूर्यराज आचार्यले मङ्गलवार विज्ञप्ति जारी गर्दै एमसीसीका कतिपय बुँदा राष्ट्रिय स्वाभिमान...

सिमानामा तारबार लगाउन १ लाख नगद र श्रमदान गर्ने साझा पार्टीका नेताको घोषणा

काठमाण्डौं। साझा पार्टीको नवलपुर जिल्ला संयोजक हरिप्रसाद गौतमले सिमानामा तारबार लगाउन १ लाख रुपैयाँ सहयोग गर्ने घोषणा गरेका छन्। सामाजिक सञ्जाल फेसबुकमा शनिवार बिहान...

भारतसँगको सिमा विवादमा प्रतिस्पर्धा गर्ने महावीर पुनका ६ उपाय

काठमाण्डौं। राष्ट्रिय आविष्कार केन्द्रका अध्यक्ष महावीर पुनले भारतसँगको सिमा विवादबारे प्रतिस्पर्धा गर्ने नयाँ उपाय सुझाएका छन्। सामाजिक सञ्जाल फेसबुकमा शनिवार स्टाटस लेख्दै पुनले भारतले...

देशलाई लकडाउनमा राखेर सरकार आन्तरिक लुछाचुँडीमा व्यस्तः महामन्त्री खड्का

सुर्खेत। नेपाली काङ्ग्रेसका महामन्त्री पूर्णबहादुर खड्काले सरकार र सत्ताधारी दल आन्तरिक लुछाचुँडीमा व्यस्त भएको टिप्पणी गरेका छन्। सामाजिक सञ्जाल फेसबुकमा स्टाटस लेख्दै महामन्त्री खड्काले...
यो समाचारमा तपाईंको प्रतिक्रिया लेख्नुहोस्।