Loading...

काठमाडौं।नेपालगञ्ज विमानस्थलबाट काठमाडौंका लागि उड्नै लागेको बुद्ध एयरको जहाजमा यात्रुहरूले संस्कृति, पर्यटन तथा नागरिक उड्डयनमन्त्री योगेश भट्टराईविरूद्ध नाराबाजी गरे।

मन्त्रीले आफ्नो व्यक्तिगत प्रयोजनका लागि उडान होल्ड गरेको र सोही कारण एक घण्टा ढिला भएको भन्दै यात्रुहरूले मन्त्रीविरूद्ध जहाजमै नाराबाजी गरेका हुन्।

बुद्ध एयरको जहाज नेपालगञ्जबाट ६ः२५ मा उड्ने तालिका थियो। यात्रुहरूले मन्त्रीकै कारण ढिलो भएको आरोप लगाउँदै नाराबाजी गरेको भिडियो सामाजिक संजालमा छ।

भिडियोमा निकै आक्रोशित देखिएका यात्रुहरूले मन्त्रीसँग सवाल पनि गरेका छन्। ‘तपाईँप्रति हाम्रो विश्वास थियो। प्रधानमन्त्री आउँदा पनि हामीले नै दुःख पाउने। आश गरिएका युवामन्त्री आउँदा पनि हामीले नै सास्ती पाउने। यो कस्तो व्यवस्था हो? उनीहरु मन्त्रीसमक्ष आक्रोशित बने।

उक्त उडान मन्त्रीकै कारण ढिलो भएको वा अन्य केही कारणले भएको हो? यसबारेमा विमानस्थल कार्यालय र बुद्ध एयरले कुनै पनि प्रतिक्रिया दिएका छ्रैन।

मन्त्री भट्टराई कन्चनपुरको टिकापुर गएका थिए। उनी त्यहाँबाट फर्किंदा केही समय ढिला भएको मन्त्री स्वंयले पनि स्वीकारेका छन्।

भिडियोः

Posted by Gyanendra Shahi on Saturday, September 14, 2019

तर आफूहरूकै कारण उडान ढिला नभएको सचिवालयले दाबी गरेको छ।

‘जहाज साढे ६ बजे नेपालगञ्ज ल्यान्ड भएको थियो। एयरलाइन्सका कर्मचारीहरूले हामीलाई त्यही सूचना दिएका थिए। मन्त्रीज्यूले हामीलाई जहाज छुटे होटलमै बसौंला भनिरहनुभएको थियो। हामी विमानस्थल पुग्दा ६ः५० भएको थियो। त्यसपछि जहाज उडेको हो।’ मन्त्री भट्टराईका स्वकीय सचिव प्रेम गुरागाईंले भने।

मन्त्री भट्टराईले भने फेसबुकमार्फत् आफूविरुद्ध नियोजित रुपमा उत्रिने केही व्यक्तिका कारण यो सब भएको तर जहाज भने जम्मा १५ मिनेट ढिला भएको बताएका छन्।

तपाईलाई कस्तो लाग्यो ? यहाँ कमेन्ट गर्नुहोस् ।
Loading...